Россиядә самолетка смартфон буенча кертә башлаячаклар

Киләсе елда Россия аэропортларында кәгазь талоннарны смартфоннар алыштырырга мөмкин. РФ Транспорт министрлыгының шул хактагы боерыгын Эчке эшләр министрлыгы килештергән. Бу хакта «Известия» газетасы яза.

Нәтиҗәдә, электрон талон кәгазь билетка тиңләштереләчәк. Пассажирларның кәгазь билетларында тикшерү узулары турында штамп куелганмы-юкмы икәнлегенә игътибар итәчәкләр.

Россия аэропортларында әлеге башлангычны хуплаганнар. Аларның кайберләре электрон талоннарны эшкәртү өчен турникетлар урнаштырган.

Бу яңалык пассажирларны очкычка утырту вакытын һәм авиакомпанияләрнең чыгымнарын киметергә мөмкинлек бирер дип көтелә.

«Татар-информ»

Фото Orenmuzcom.ru