Россиядә эш бирүчеләренең яртысыннан артыгы хезмәткәрләренә Яңа елга премия түләми

Rabota.ru сервисы экспертлары тарафыннан үткәрелгән тикшеренү мәгълүматларыннан күренгәнчә, Россия эш бирүчеләренең яртысыннан артыгы (58 процент) Яңа ел уңаеннан үз хезмәткәрләренә премия бирмәячәк. Бу хакта ТАСС агентлыгы хәбәр итә.

Респондентларның 24 проценты билгеләп үткәнчә, премияне кайбер хезмәткәрләр генә алачак. Компанияләрнең 18 проценты барлык хезмәткәрләренә дә премия өләшергә ниятли.

Тикшеренү мәгълүматларыннан күренгәнчә, иң «юмарт» эш бирүчеләр – IT, иң «сараннары» - төзелеш өлкәсендә.

tatar-inform.

Фото Privolgskiy.ru