Ярмәкәй районында “Бердәм Русия” сафларын яңа активистлар тулыландырды

Партия документы кешеләрнең тормышын яхшырту өчен эшләүче командага каравын символлаштыра. Ул партия эчендәге сайлауларда, волонтерлык һәм иҗтимагый башлангычларда, шулай ук фикер алышуда һәм әһәмиятле сәяси карарлар кабул итүдә катнашу хокукы бирә. Рөстәм Рамил улы партия сафларында яшьләрне һәм энергияле кешеләрне күрү аеруча шатлыклы булуын ассызыклады һәм партиянең яңа әгъзаларына актив эш, яңа идеяләр, районыбыз һәм республикабыз халкы иминлегенә планнарның уңышлы тормышка ашуын теләде.