Диалог аша үзара бәйләнеш

Очрашуның модераторы булып БР Иҗтимагый палатасының инновацион үсеш, эшмәкәрлек һәм экология комиссиясе әгъзасы Олеся Шеметова чыгыш ясады. Утырышны ачып, район хакимияте башлыгы Рөстәм Әлимгафаров муниципалитетның агымдагы тормышы: җирле авыл хуҗалыгы җитештерүчеләренең уңышлары һәм аларның продукциясен базарга чыгару, шулай ук мәгариф учреждениеләрен яңа уку елына әзерлекнең барышы турында сөйләде. Олеся Шеметова республика Иҗтимагый палатасы эшчәнлегенә җентекләп тукталды. Ул ассызыклаганча, муниципаль хезмәттәшләре белән берлектә палата бөтен республика буенча 1000нән артык объектка системалы мониторинг алып бара. Игътибар үзәгендә – спорт мәйданчыкларының, сәламәтлек саклау һәм мәдәният учреждениеләренең, паркларның торышы, шулай ук сәүдә челтәрләрендә җирле продукциянең тәкъдим ителүе. Күчмә тикшерүләр, сораштырулар һәм түгәрәк өстәлләр нәтиҗәләре тиешле чаралар күрү өчен тиз арада хакимият органнарына җиткерелә. Район Иҗтимагый советының 2026 елның беренче яртыеллыгындагы эше турындагы хисап белән аның рәисе Кифая Шәрәфлисламова чыгыш ясады. Ул билгеләп үткәнчә, совет эшчәнлеге милли-мәдәни берләшмәләр, Әтиләр советы, Хатын-кызлар советы, ветераннар оешмалары һәм дини җәмгыятьләр белән тыгыз партнерлыкка корылган. Мондый алым идарә карарларын кабул иткәндә барлык социаль төркемнәрнең мәнфәгатьләрен исәпкә алырга мөмкинлек бирә. Аның сүзләренчә, совет эшенең төп юнәлешләре: - халык белән аралашу: совет әгъзалары “Мәгълүмат көннәрендә” актив катнаша, халык белән турыдан-туры аралашу өчен торак пунктларга чыга; - СВОда катнашучыларга ярдәм: М. М. Шәйморатов ис. штаб белән тыгыз хезмәттәшлектә гуманитар ярдәм җыю координацияләнә, демобилизацияләнгән сугышчыларны һәм аларның гаиләләрен адаптацияләүдә ярдәм күрсәтелә. - Гаилә елы: совет “гаилә җомгасы” кебек район проектларында, шулай ук Гаилә, мәхәббәт һәм тугрылык көненә багышланган бәйрәм чараларында актив катнашты. - традицияләрне саклау: җәмәгатьчеләр катнашында “Туган тел – халык җаны”, “Иван Купала”, “Тивлет” фестивальләре, шулай ук Тарказы авылында мәчет ачу булды, бу конфессияара татулыкны ныгытуга зур өлеш кертте. - җәмәгать контроле: беренче яртыеллыкта янгын хәвефсезлеген һәм авыр хәлдә булган гаиләләрнең яшәү шартларын тикшерү буенча рейдлар үткәрелде. Җәмәгать эшлеклеләре шулай ук мәктәпләрдә туклану сыйфатын һәм мәктәп яны лагерьларының эшен контрольдә тотты, район бюджеты буенча “Нуленче укуларда” катнашты. Нәтиҗә ясап, Кифая Мирхәтим кызы: “2026 елның беренче яртыеллыгында Иҗтимагый совет эшчәнлеге хакимият белән җәмгыять арасындагы хезмәттәшлекне ачыграк, ышанычлырак һәм нәтиҗәлерәк итүгә юнәлдерелгән иде”, – дип ассызыклады. Рәис сүзләренә караганда, икенче яртыеллыкка планнарда – гражданлык башлангычларын үстерү буенча эшне көчәйтү, халыкны районның социаль әһәмиятле проектларына җәлеп итү, район территориясендә милли проектларны гамәлгә ашыруны контрольдә тоту, авыл җирлекләрен төзекләндерү мәсьәләләре буенча иҗтимагый тыңлаулар үткәрү практикасын киңәйтү. Чара формаль булмаган аралашу белән тәмамланды, анда яшәүчеләр үзләрен борчыган сорауларны бирә алды һәм активистларны: муниципаль палатасы рәисе Кифая Шәрәфлисламованы, Бекет авыл клубы мәдәни оештыручысы Наталия Крупкинаны, “Ялгат” мордва халык җыр ансамбле җитәкчесе Елена Спиринаны БР Иҗтимагый палатасының Рәхмәт хатлары белән бүләкләде.