Сайлаучы белән элемтәдә

20 августтан башлап “ИнформУИК” масштаблы адреслы мәгълүмат бирү проекты кысаларында участок сайлау комиссияләре әгъзалары сайлаучылар белән шәхсән очрашты, аларның йортлар да булды.

Обходчикларны тану бик ансат булды: аларның участок комиссиясе әгъзасы таныклыгы һәм паспорты, исем, атасының исеме һәм комиссия номеры белән шәхси бейджы, шулай ук проект символикасы төшерелгән брендлы кепкасы бар иде. Аларның эш арсеналында – мәгълүмати белешмәләр белән уңайлы сумка, блокнот һәм ручкалы планшет, ә төп ярдәмчесе – “ИнформУИК” махсус мобиль кушымталы смартфон.  

Безнең районда укыган һәм сертификат алган йөз кеше 28 участокта халыкка мәгълүмат җиткерүне 6 сентябрьдә төгәлләячәк. Ярмәкәй авылында урнашкан иң зур 1882 нче участок комиссиясендә алты обходчы – район үзәге оешмалары хезмәткәрләре өйдән-өйгә йөреп чыкты. Моннан тыш, сайлаучыларның эш урыны буенча да адреслы мәгълүмат бирү каралган. Территориаль сайлау комиссиясе хәбәр иткәнчә, мәгълүмат бирү тәмамланганнан соң, 7 сентябрьдән барлык участок сайлау комиссияләре үз эшләрен башлаячак. Алар көн саен ачык булачак: эш көннәрендә – 16:00 дән 20:00 гә кадәр, ял көннәрендә – 10:00 дән 14:00 гә кадәр. Биредә сайлаучылар исемлеге төгәлләштереләчәк, әзерлек эшләре алып барылачак, ә сайлаучылар, кирәк булганда, бинадан читтә тавыш бирүгә гариза бирә алачак. Сораулар килеп чыкканда, халык һәрвакыт территория яисә яшәү урыны буенча участок сайлау комиссияләренә мөрәҗәгать итә ала.

Фотолар чыганагы https://vk.ru/club228998961