Талантлы, максатчан, энергияле

Коллективта талантлы, максатчан һәм энергияле хатын-кызлар шөгыльләнә, алар үз эшләрен чын күңелдән ярата һәм безнең Усман Ташлы авылында тормышны яхшыртырга тырыша. “Гөлләр” ансамбле район чараларында: театральләштерелгән тамашаларда, тематик фестивальләрдә, иҗат конкурсларында, үзешчән сәнгать смотрларында актив катнаша. Соңгы вакытта вокал төркеменең башкару осталыгы сизелерлек артты. Бер генә чара да коллектив чыгышыннан башка узмый. Төркемнең бүләкләр копилкасында бик күп Рәхмәт хатлары, грамоталар, дипломнар бар. Безнең уңышлар артында җитәкчебез Зәлирә Әмир кызы Зәйдуллинаның зур эше тора. Ул һәр катнашучыга якын килә белә, илһамландыра, үзе дә күп кенә район чараларын алып бара.

Коллективта җиде даими катнашучы, алар арасында махсус хәрби операциядә катнашучыларның өч әнисе бар. Гөлназ Гыйбаева белән Резидә Тукаеваның уллары Рафаэль белән Нәфис контракт буенча хезмәт итә. Минем улым Руслан 2022 елдан мобилизацияләнгән хәрби хезмәткәрләр сафында Ватанны яклый.

Катнашучылар иҗатны авыл җирлегенең иҗтимагый тормышы белән оста берләштерә, аның активы булып тора. Безнең коллектив базасында “Бердәмлек” волонтерлар төркеме төзелде, ул авыл мәсьәләләрен хәл итүдә ярдәм итә.

Шунысы мөһим: коллективта үсү, яңа вокал офыклары ачу, мобилизацияләнә белү, җаваплылык тою теләге бар. Безне илһамландырган һәм хуплаган һәркемгә рәхмәт! Барлык килеп туган бурычларны үтәүче коллективта катнашучыларга зур рәхмәт!

Алсу МӘРДАНШИНА,

“Гөлләр” коллективы катнашучысы.